நமது பாரம்பரிய இயற்கை மருத்துவம்
- வேப்பிலையுடன் சிறிது மஞ்சள் சேர்த்து மையாக அரைத்து பூச பித்த வெடிப்பு மறையும்.
- பாலில் 15 பூண்டு வேகவைத்து சாப்பிட்டால் தாய்ப்பால் சுரக்கும்.
- ஞாபக மறதி உள்ளவர்கள் வாரத்தில் இரண்டு அல்லது முன்று நாட்கள் தூதுவளைக் கீரையை சாப்பிட்டு வந்தால் ஞாபக சக்தி அதிகமாகும்.
- குப்பைமேனி இலையுடன் மஞ்சள் சேர்த்து மையாக அரைத்து முகத்திற்கு தினமும் தடவி வந்தால் முகத்தில் உள்ள முடிகள் கொட்டும்.
- சர்க்கரை நோய் உள்ளவர்கள் அரசமர காயின் பொடியையும், கடுக்காய் பொடியையும் சமமான அளவில் பாலுடன் கலந்து குடித்துவர உடலில் உள்ள சர்க்கரையின் அளவு குறையும்.
- ஒரே ஒரு மிளகு போதும்... உண்ணும் உணவு சுவையாக.
- இரண்டு மிளகெடுத்து இரண்டொரு ஆடாதோடா இலை சேர்த்தால் இருமல், சளி காணாமல் போகும்.
- மூன்று மிளகெடுத்து வெங்காயம் சேர்த்து தலைக்கு தேய்த்தால் கேசம்கூட முசு முசுவென்று வளரும்.
- நான்கு மிளகும், சுக்கும் சிறிது கலந்தால் நெஞ்சுவலி சொல்லாமல் போகும்.
- ஐந்து மிளகும் சுக்கும் திப்பிலியும் இணைந்தால் கோழை ஓடியே போகும்.
- ஆறு மிளகெடுத்து பெருஞ்சீரகம் (சோம்பு) இடித்து உண்ண, மூலநோய் வந்த சுவடின்றி தானே மறையும்.
- ஏழு மிளகை பொடி செய்து நெய் கலந்து அன்னம் பிசைந்து உண்டால் நல்ல பசி எடுக்கும். தொண்டைப்புண்ணும் தொண்டைக்கட்டும் விட்டுப் போகும்.
- எட்டு மிளகோடு பெருங்காயம் சேர்த்துக்கொண்டால் வாந்திகூட எட்டி நிற்கும்.
- ஒன்பது மிளகும் துளசியும், ஒவ்வாமையை (அலர்ஜி) துரத்தியடிக்கும்.
- பத்து மிளகை வாயில் போட்டு கடித்து மென்று விட்டு, பகைவன் வீட்டிலும் பயமேயின்றி விருந்துண்ணலாம்.
